خواطر شباب

يبي درت فيه نية
هو غدرني بعد ما عشرتو
كل يوم يجيبلي قسية
عاد يتبدل ما عقلتو
كي غدرني دارلي برية
يحسبني غفلت ما سمعتوا
كي نغيب يقول شر فيا
كي نحضر ما يقول والو
من عندي يستهل كية
ما بقى ينسى عوايدو
ما بقى فيه أمان
حبيبي علاش غر بيا
وعلاش يزيد في كلامو
بغضني و استغل بيا
و أنا صابر في خصامو
ما دارلي خير لا مزية
و حلفت مانذوق طعامو
نحكي معاه فصبح و لعشية
كل خطرة يزيد في فعالو
نيرانو شاعلة قوية
علاش داني نعاشرو
خلاني حيران
حبيبي دارني خطية
وجفاني بعد ماقصدتو
هاذي سبة ولا بلية
زاد غربلي نهار صبتو
ما علم غير الرب بيا
وعلاش قهرني و أنا شكرتو
وكلتلو لملح بيديا
سلفتلو قلبي قال ماتسالو
كل مرة نزيدلو قصية
مابغاش يقر فيه ذاك الخير و الإحسان