عشت الفقر اما متربيتش جيعان
مرة عندي دراهم وحزين
مرات فقير او فرحان
عادي كيف الناس الكل
نعيش نهار بنهار
مش معناها نخدم في شريكة صاي وليت غني
مازلت حزين كيفما انا
عادي فلحومة ندور حافي في الكياص
حومة جاري وصاحبي
متربيناش في الحقرة بين الناس
راني طويل صاحبي وكاسح كيف لحجر
راس اراس متغلبنيش منتغلب كان كيف نتغدر
دمي سخون اما قلبي صافي حليب
تعلمت نقول الحق
ومعنديش الكذب وتبلفيط
بزاف افلام اما عمري ما مثلت
انا كيفما انا كيفما في بلادي كيفما في بلادك
انا انسان كيفما انتا انسان
مرة نضعف مرة نجهل ومرة يقوى الايمان
مرة وقفت ورا الايمام ومرة وقفت ورا الكونتوار
*
*
*
اما منسمحشي الي سبني في الغياب
ولي يضحكلي في وجهي وهوا شيطان وراء وجه شباب
ولاو ارانب اذا حضرت وكلاب اذا نغيب
اما ماننصحشي لرنب تدخل الى وكر الذيب
تبعنا لحرام وحنا ولاد احلال
سمحني ربي اذا دخل فرنك حرام في جيب السروال
جهال اما قرينا بزاف عقن
الشيطان سكن حذانا وكلا من لحمنا حتان لي سمن
زمن ..؟
الفم يضحك اما القلب حزين
بلاك راني غرقت ومتمدتليش ايدين
نخمم مدام قلبي حي
نحب نكسب ونكون اما ديما نبقاى ولد الحي
طكسيتي وداري
*
لمرا والصغار
*
انشالله متبقاش كتيبة على لوراق بلحبار
انشاءلله ميبقاش حديش
شيئ يغيض
صاي راني كبرت صاحبي نحب نكلمي نحب نريض
مريض ونداوي بدخان
والاوجاع لي في قلبي مينحيهاش الدخان
راني وليت جلد تمساح ولمعدة معدت كلب
منلي شبعنا بزاف عفس وبزاف لعط وضرب
قرب
متخافش مني راني خوك
خاف من اصحابك صاحبي
واحفض لوغة اعدوك
خاف من الجبان على خاطر يغدر كيف الضبع
ومتخافش من الاسد على خاطر مايكلشي اذا شبع
ونخاف من لمراء خاطر خرجت آدم من الجنة
وخاف من لي عصا ولديه على خاطر ما عندك منو ماتستنا
انا نخاف من ربي اذا طغيت
ونخاف من الام اذا مرضاتش اعليك
ونخاف من حساب وعذاب الميت
ونخاف منتعلمشي اذا قريت
تعلمت الجوع اما معملتش الضلوع
واذا عشت حكاية منخرجش على الموضوع
اذا ثما ضحكة ضحكت
واذا بكيت بكيت دموع
ولد بلاد مطبوع
مخلوق من طين منيش مصنوع
*
*
*
لبنات
معادش تفرق بين لبنات
اناهي منهم بنت احلال
وناهي الي تعوم في لفساد
لبنات
معاد علبالي بلبنات
مرحبا اذا جات
معادش نبكي اذا مشات
بزاف منهم كانو حاسبيني نكسب الملاين
محبتنيش كلي شاب
اما حبت على النجوم
متحلمشي بزاف
ومتبنيشي قصر برمل
على خاطر الحقيقة كيما الريح
تتعدى وتهز الكل
انا كيف دومنت
اما مطيش فبلاد الناس
غارق في الجبال
ارواح ابدا خرج بلحبال
اذا خرجتني
كيما عيسى نترفع
بلاك نلقا ناس اخرى تفهمني اذا رجعت
امي قبل ماتجيبني كانت باش تعمل focebooch
راني اليوم منيش موجود راني انسان متعرفوش
راك اليوم ماكش تسمع بحامد لمسيكاتري
اما الحمدلله تولدت وكلو بقداير الله
اعطاتني chonse
باش نعيش
وباش نعرف الدنيا واش هيا
الدنيا طريق قصير جيت نبكي في اول الثنية
اعطاتني chons باش نعيش
اعطاتني chonse باش نموت
اعطاتني chonse باش نعرف واش هوا معنى الوجود
*
*
*
*
*
هاذا سر اذا تحكا لزوج مناس
معادش سر
لكلام هاذا كتبتو وحدي بعد الساعى سفر
*
*
*
*
*
*
.
.