ما اصعب الحياة

موضوع: ما اصعب الحياة الجمعة مارس 01, 2013 2:09 pm

ليوم بالذات راني مقلقة ماعلاباليش وعلاش...المهم كلش سامط وكل شي داير بي يفشل

ماكان حتى حاجة تفرح.

لحياة ....شحال صعيبة كي تحليك في وسط الطريق بلا ما تعرف :يا تروح لليمين ولا لليسار

او هي ماشية ....او ماشية ...وانت قاعد في بلاصة وحدة :لعمر يفوت...ولوقت يفوت....و الناس تكبر و تفوت و انت.....كيما خلاوك ....لقاوك....حاجة ما تبدلت فيك بالعكس ما زالهم يشوفوك

نية ...على بيها يحقروك.

لحياة شحال صعيبة كي تشوف اعز الناس تخلا و عليك ...و رماوك وين ما يشوفوكش

او وين ما يسمعوكش ...او وين ما يتلقاوش بيك....وتعيش انت تستن ..بلاك يحنو او يرجعولك

.. بلاك يتفكرو و يجيوك...بلاك او بلاك...بصح ما كاين حتى حاجة تجي من جيهتهم.

في هدي لحياة ...كلش تبدل او كلش تخلط...ما بقاتش النية ...هديك النية تاع بكري

لي نقولو عليها=النية تسلك ...ولا مول النية يربح..دخلت في بلاصتها الحيلة او مع الحيلة

نتوقعو كلشي .وين ما كانت النية كاين الحيلة ..ماناش نتمشاو بالنية الصافية لخطراش ساعات..

ساعات نخلطو معها شوي نتاع الحيلة باش ما نتصادفوش.

في لحياة هدي محال ما تلقاش le contraire تاع هديك الحاجة.كيما كاين الملائكة...

كاين ابليس[ربي يلعنو او يخزيه] او كيما كاين الحق كاين معاه الباطل...او كيما كاين الخير لا بد

نصيبو الشر... ولكن يا للاسف ...راح الخير... او راح الحق....مع لي راحو تحت التراب

او راحت معاهم هديك النية..او ما بقى غير الشر.... او الباطل الي سكنو فالنفوس او بدلو في

الطباع او زينو رواحتيهم باش ما ينكشفوش

كل واحد ..نفسي...نفسي....او كل واحد تخطي راسي.... او كل واحد لاتي بهمو ...او ما

يقصدك غير نهار لي يحتاجك فيه...او مبعد تيك يرجع ما يعرفكش...او ما شافكش...او ماعلابالوش

بيك

صح صعابت لحياة او صعاب معها كلش او انا ما قدرت ...لا نفارقها ...لا نقعد فيها

بصح قادرة نغير..او ما نعيشش كيما حبوا هوما نعيش...رايح نمشي في طريق لي راني نشوفو

صواب ... والصواب ديما...ديما يغلب لو ماشي دوك...يجي النهار ليغلب فيه.

ما أصعب الحياة عندما تأخذ منا من نحب,
ما أصعب الحياة عندما تسرق الفرحة من قلوبنا لتسكنها قلوب أناس آخرين,
ما أصعب الحياة عندما تلعب معنا لعبتها القاسية,
تزرع فينا الأمل توهمنا بالسعادة تجعلنا نحلم ونحلم ونحلم
حتى ترانا نغرق في ذلك الحلم الى أبعد الحدود
وتأتي في النهاية لتفقدنا ذلك الحلم الجميل آها…….
ما أصعب هذا والأصعب من كل ذلك أنها لاتساعدنا حتى على النسيان ,
لاأدري ماذا أفعل لقد بدأت أفقد أي طعم حلو لهذه الحياة ,
لقد بدأت أشعر أن خيوط السعادة تنسحب مني واحد تلو الآخر
ولأجد أي بصيص أمل أمامي كأن الدنيا أقسمت أن تغلق أبوابها إتجاهي
لتراني أحترق وأختنق من الألم
فمتى ستتركني هذه الحياة وشأني
فقد سئمت حركاتها وسئمت للأبواب إغلاقها.
لاكن يوم ما سأنتصر عليها وافتح ابواب الحياه
لأرا بصيص من الامل
نعم هذي هي الحياة فلن ادعها
تحرقني , تبكيني , توهمني , تخنقني
فأنا عبد لله لست عبد لها
لن اجعلها تهزمني وتسلب سعادتي
نعم هذي هي الحياة فلا تجعلها تنتصر عليك
يا هذا
[ندعوك للتسجيل في المنتدى أو التعريف بنفسك لمعاينة هذا الرابط]

قلمي الصغير

مشكورة على مرورك وعلى كلماتك روعة

» اغنيه جورج وسوف اصعب فراق
» ما اصعب سكوتي
» اصعب شعور .........
» اصعب لحظه عند البنات
» جورج وسوف - اصعب فراق