جيتك يا البحر غير باش تصبرنى

جيتك يا البحر غير باش تصبرنى ساعة ارجعت انا نصبر فيك
رانى حاس بحالك راك غايظنى رانى حاس بلى راه صارى فيك
منين راح الصيف وجات الشتاء ظحيت وحدانى الغزلان اليوم لكل هجرت اعليك
مشى غير انت يا البحر لى راك تعانى حتى انا الحقرة هى لى جابتنى ليك
حتى انا حبيب قلبى راح وعدانى ونسا بلى كان معاية فى الحب شريك
مزلت نتفكر مزلت نتفكر فلى راح وخلانى ولو نعيدلك همى يا البحر فى همك نسيك
كابظ الورقة نكتب والدمعة فى عيانى يالى بكيتى هذا القلب تدور الدنيا ونبكيك
علاش راك تبكى صاحبى هاك وتزيد خليها كان بغات تروح تروح
علاش راك تبكى للى قلبها احديد الولية هى لى حقها تبكى وتنوح
الخالى دارو الخالى دارو مزال واقف وصنديد صابر ربى ملقرى قلبوا مجروح
الخير فاظل وكل يوم كاين الجديد ولى بغات تروح منعندنا مسموح
غير تروح غير تروح ونشوفوها وين توصل وفى لافة نشوفوا كيفاش تخلاص اعليها
لى هربت على الرجال لابد تحصل وتبكى بدموع على اللى ظاع من يديها
الراجل مجاياش يبكى ويحلل الخالى دارو عمروا ما يركع ليها
بغات تروح الطريق راه يفوت جمل وندعولها دعوت الخير ربى يهنيها
فيق يارائش فيق وين راك رايح على راسك
نشفى لزمان انا وانت كيفاش كنا واش من تاويل لى درناه واش اربحنا
نطلب ربى كى ليوم يجمعنا
متخلنيش متخلنيش دنيا بلا بيك ما تحلا ليش
انسى كلامك يا الرايس واسمع سيداحمد واش قال
علاش هذا البكاء واش اللى بيك علاش صاحبى تغبن فى روحك
المرا كى تبكيلها المرا كى تبكيلها تظحك اعليك المرا ما تحبش لى يبكى ويحلل كيفك
كونك راجل وارمى لى يرميك ومكانش لى تبيعك برخيس كى تغلى شانك
بلاك وبلاك المرا تشوف الدموع فى عينيك عيب باش تبكى على الى متسواش قدرك
وكان بغيت تبكى ابكى على اللى تبغيك ومشى عيب كان بكيت على الى بكات على جالك
انا عقليتى هاك انا عقليتى لى خلاتنى نخليها والله ما تطيح دمعتىعلى اللى ما تبغينيش
والى بغات تبيعنى قبل ما تبيعنى نشريها وندير رائئ وحتى واحد بيه معلاباليش
انا الحمامة لى فى قلبى مربيها عمرى ما نخليها باه تربى الريش
المرا غير يبداو يطوالوا جنحيها تنكر الخير تنكر الخير وهذى كاع فيها ما تغالبونيش
المرا تبغى لى يدير الشر فيها انا درت الخير يا الرايس والخير فى النساء مخرجنيش
الى خلاتك عندها حق باش تخليك الى طلق اللجان لازم عودوا يهربلوا
ولوكان سمعت لوصايتى زمان كى كنت نوصيك ما توصلش لوين ليوم النويا وصلوا
تبعت قلبك تبعت قلبه اه شوف قلبك وين يديك يندم جميع من تبع القلب وخلى عقلوا
ولوصرالك ما صرالى تنسى لى بيك لى صرالهم ما صرالى المساكين راهم هبلوا
هاملين وحنان اعليها واعليك يحياو الرجال لى مرظاوش باش فى الحب ينذلوا
اعرف باش خلاتك العيب راهوا فيك انا خبرتك زمان وخبرتك وقلتلك واش النساء يستهلوا
اه نشفى لزمان انا وانت كيفاش كنا واش من تاويل لى درناه واش اربحنا
نطلب ربى نطلب ربى اه كى ليوم يجمعنا
يا الرايس علاش فيق وين راك رايح على راسك نكرو اعليك النساء باش راك تبكى اعليها
ما تقوليش مسحور غير فوتها وقيسها من بالك ما كان لاسحر لاوالوا قلبك يبغيها
ياك عارفها خلاطة عرفت شحال قبلك حمارة الدولة لى جاء يركب فيها
فاميلتك من الكبار وانت طيحت بناسك حكايتك الناس كامل سمعت بيها
باباك المرحوم فحل مهوش بحالك لومزالوا فى الحياة تسميتك من الكارطة يمحيها
يارايس فيق علاش راك طايح على راسك كيفاش لى قاسوها الرجال انت تديها
تعادى فى الرجال لى ظربت على صلاحك ورجعت تقول الغيوريين حسدونى فيها
كانها مرا كانها مرا صح فحلة وتحكيلك قوللها تحكيلك على الشوادة فى لعبوا بيها
يالغافل يا لغافل علاش راك طيح بقدرك يا الغربال موحال باش يقدر الشمس يغطيها
غدوى ادور الدنيا غدوى تدور الدنيا وتبقى وحدك وغير الغلطان لى نوا اللفعة يربيها
لوكان باش تدوم راهى دامت لى قبلك راهى مع لى بسبع كيات فى يدها كاويها
كان مشفتش يجئ نهار وين تشوف بعينك ويومها تتفكر وصايتى لى ليوم راك ناسيها
انا كونطرا على النساء الخلطات لى اعرفت زوج الزوج عندى طحان
الاول زهى وخلى ذكريات والزاوج ما اعليه غير يلبس اعجار النسوان
كلامى نقلوا وكيما جات تجات
كلامى نقلوا وكيما جات تجات هذا هو الصح ونعطيك البرهان
انا والله مانكره لبنات قد ما نكره لى طحان وفرحان
انا نحب المرا لى عندها اصل كى تعرف راجل تبقى معاه حتى للموت
منحبش المرا لى تبيع الراجل ما جياش باش مرا على ظهر راجل تفوت
شفت وجربت شفت وجربت ومنيش غافل وبلا صنارة نعرف نصيد الحوت
الراجل باش يكون راجل يا رايس مشى ساهل الراجل لازم ميسمحش فقدروا ولو بلموت
ولو بلموت
نشفى لزمان انا وانت كيفاش كنا واش من تاويل لى درناه واش اربحنا
نطلب ربى كى ليوم يجمعنا