ما عشقت مّن النساء ألا ثلاثه أعشق (( أمي ثُمَّ أمي ثُمَّ أمي ))

لـ قلبي ولساني | دعـاء مايمّلون منه
ليت ليت ليت .. يستجيبه منهم ربي..

ياربّ : أمي تكون من سيدات الجنه
وأبوي مع زمــــرة أصـحاب النبي..

:

أمي وتظهر من يديني عروقي
واردها وتصير نبضي ودمي
أول وأكبر ماعلىّ من حقوقي
أمي وثم امي و أمي وأمي

:

خشُوعها بالصلاة بخوف وبخلوة ،
دمُوعها صُوتها … ريحة عبايتها !

يَ رب … لاتردّها لا جاتك بدعوة ،
اغفر خطاها .. ووصّلها لـ غايتها !

:

يارب زِدني برّها قبل لا أموت.
اللي تشيل من الصغر كل همي.
حتى الرسول اللي له العلم مثبوت
ثلاث مراتٍٍ يوصي على أمي

:

*أمي وليفة خاطري نور عيني
حتى وهي قربي لها احنّ واشتاق

كل ماأضيق بهالزمن تحتويني
يااربّ تشرح صدرها كل ماضااق

:

انتي وطن ، يستحق اللي يضحي لك
انتي فديتك ، ( تحت رجلينك الجنه )

لو اقضي العمر يا ( يمه ) البي لك ��
ماجيت خيرك ولا ربعه ولا منه

:

من يشبهك! آنتي آظنك تشبهين
الطُهر وأحساس الكريم فـ مدته !

يمه وأنا مدري وش اقول بكلمتين
هاتي قدمك آبـي رضا الله وجنته

:

يَ جعل نغزات الوجع في عظامي
يَ احن مخلوقه و يَ اطهرهم !

عطيني الامك يَ يمه و نامي !
واوعدك بـ/ اضحك للوجع و اقهرهم

:

يمه وأنا أدري كل ماقلت يمه
تصغين في كل الأحاسيس يمي

في ذمتي لوتطلبي العمر ذمه
لقول لك ياقرة العين سمي

:

يا يمه يا اغلى من حياتي و ذاتي
لو راح عمري في رجاكي قليله

أقطف يا يمه من صفاتك صفاتي
كل طيب فيكي ودي اقطف مثيله

:

يمه ولو نصفي من العمر قد ضاع
على كثر مافات ماينفع الصوت

لو العمر يمه يديّن وينباع ..!
لا ابيع لك عمري وانا اسدد الموت

:

حبها مذخور لعيالي ؛ وراثه
لو بغت قلبي وروحي قلت سمي

ما عشقت مّن النساء ألا ثلاثه
أعشق (( أمي ثُمَّ أمي ثُمَّ أمي ))

ربي يخلي هالك و يحفضها

و يعيشها

ربي يحفظهالك ويحفظ جميع امهات المسلميين

ربي يخلي هالمحبه

شكرا على هدا الموضووع

الله يخلي امهات العالم

» عشقت البكاء في ظل المطر.
» كم أعشق يا بحر؟
» صبحتُ أعشق ساعات الانتظار !! (راااااااااااائعة)
» سترانى...فى كل النساء؟
» لماذا تبكي النساء ؟